Sukceso

Saluton! Iam dum la lastaj monatoj mi atingis ian fluecon en Esperanto. Mi neniam antaŭe sukcesis fari tion alilingve. Ne estas tiom surprize, ĉar mi ade studas kaj praktikas, sed antaŭ ol trovi Esperanton tio ofte ŝajnis neatingebla celo. Multe da la La plejparton de tiu progreso mi atribuas al babilado en Telegramo kaj laŭtlegado. Nuntempe mi legas la libron Marvirinstrato kaj multe ĝuas tion. Unue mi provis eklegi pli malfacilajn verkojn kaj daŭre rezignis, do mi konsciis, ke mi sciu miajn limojn kaj komencu ĉe la komenco.

Sukceso

amikeco ( ̄ー ̄)ゞ

Ĉi-semajne vizitis mia bona amiko de Seatlo, Usono. Mi nomu rin Venko por ĉi tiu blogo. Venko ne estas esperantisto, sed eble iĝos estontece. Ni renkontis unu la alian antaŭ kelkaj jaroj, kiam ni loĝis samloke, kaj tuj ĝuis apartan interkomprenon. Ri instruis kaj daŭre instruas al mi multajn gravajn aferojn pri amikeco, frateco, honesteco. Ankaŭ ri instruis al mi pri agrikulturo en la usona mezokcidento, abelkulturo, drogherboj, aktivismo, ktp. Veraj amikoj estas raraj… mi ege dankas pro la amikoj kiujn mi havas nun.

amikeco ( ̄ー ̄)ゞ

Resaluton karaj. Lastatempe Telegramon mi tre ofte uzas. Pliboniĝas ambaŭ mia vortprovizo kaj memfido per tio. Ankaŭ lastatempe alvenis en mia urbo la unua vera neĝo de la jaro. Kompreneble la neĝo belegas kaj blindigas nin ĉiujn per ĝia beleco. Kaj kompreneble ankaŭ la hejtilo de la radiatoro rompiĝis, kaj la sola fonto de varmo en la loĝejo nun estas elektre varmiga litkovrilo, sur kiu mi kaj la bestoj sidas kaj eterne restos por ĉiam.

Mia majstraĵo

Saluton amikoj. Mi rakontu al vi, kion mi faris ĉi-matene. Mi ellitiĝis je la kvina horo pro mia kato, nomita Raŭli esperante, kiu tre ĝentile petadis matenmanĝon. Mi manĝigis la bestojn kaj poste promenigis la hundon, kiu esperante nomiĝas Bruso. Dum promenado mi verkis mian unuan poemon esperante. Jen mia majstraĵo.

Kiu estas la plej bona
hundo en la tuta mondo?
Estas Bruso.

Ankaŭ dum nia matena promeno Bruso ĝenis multe da sciuroj. Arakidojn tiuj ĉi sciuroj ofte havas. Mi supozas, ke multaj homoj manĝigas ilin. Kaj al hundoj ankaŭ plaĉas arakidoj, do kutime Bruso provas ektimigi la sciurojn por, ke ili eble faligos arakidon. Sed hodiaŭ ni ŝtelis nenies arakidojn.

Post kiam ni revenis hejmen, mi purigis la loĝejon iomete kaj min mem. Tiam mi laboris kelkajn horojn ĉe la komputilo. Mi estas pli malpli reta aŭdtajpisto en la angla. Ankaŭ en la Lingvo Internacia kiel eble plej ofte, kaj tio estas la temo, fakte, pri kio mi volus paroli.

Fari subtekstojn estas alia bona metodo por praktiki Esperanton. Se vi ekinteresiĝas lerni kiel oni faras ilin, mi rekomendas provi Amara.org, se vi ne jam konas ĝin. Ĝi havas senpagan, efikan redaktilon kaj instruan filmeton pri kiel uzi ĝin.

Aliflanke, se vi havas Jutuban kanalon, kaj via enhavo eble bezonas subtekstojn, vi povas fari senpagan konton ĉe Amara kaj aldoni vian kanalon sub “YouTube Sync” por, ke viaj filmetoj aŭtomate ekaperos en Amara, kaj ankaŭ la subtekstoj faritaj en Amara aŭtomate aperos en viaj filmetoj.

Mia majstraĵo

Rostpano.

“Se vi ne povas fari pacon kun vi mem, kiel vi volas fari pacon kun iu alia?”

Multe da belaj proverboj troviĝas en la esperanta kurso de Clozemaster. Kvankam ankaŭ mi rimarkis ke ĉiu malamas Tom. Mi ŝercas kaj mi ankaŭ ne ŝercas, ĉar pro Tom mi ofte ekpensas pri la malamo kaj konfliktoj kiuj okazadas tutmonde. Mi kredas je paca realismo. (Estas mi, esperantisto.) Kaj kredas ke la fonto de malamo ĉiam estas timo, kaj timon oni pli facile povas kompreni. Timo estas la vero, kaj la vero almenaŭ povas esti traktata, ĉu ne?

Mi ne volus vane kaŝi min malantaŭ la disfalantaj muregoj de naciismo, dum ja alvenis la tutmondiĝo. Mi pensas, ke ni ĉiuj estas kaj la viktimoj, kaj la kulpintoj, de niaj propraj misfunkciaj sistemoj. Kune la homaro jam havas la informon necesan por fasonadi alternativajn, pli bonajn sistemojn, kiuj iom post iom povus anstataŭigi la malnovajn. Kial perdi tempon kaj energion, klopodante venki la nedaŭripovajn. Ili estas nedaŭripovaj, kaj venkos sin mem sen helpo.

Mi amas Esperanton pro tio, ke ĝi reprezentas ne malkonsenton, sed fakte fareblan alternativon.

Rostpano.

Aprezo por esperantistoj

Sen la ĵusa ĝisdatigo de Lernu, mi ne kapablintus lerni Esperanton tiel rapide kaj facile kiel mi faris. Mi trovis ke kaj la aranĝo kaj la enhavo de la nova kurso perfekte montras malfacilajn gramatikajn konceptojn. Vere mi povus paroli pri tio la tutan vesperon, se mi havus plurajn horojn por esplori ĉiujn el la vortoj kiujn mi bezonus. Ĉiuokaze, mi volas preni momenton por esprimi mian koran aprezon pri ĉio, kion aliaj esperantistoj kontribuis, kontribuas, kontribuos al la komunumo senpage, senkondiĉe. “Dividate ĝojo multobliĝos.” Mi kredemas ke ĉio kion oni faras, tio multobliĝos, ĉu dividate intence aŭ ne. Kaj mi tre dankas al vi ĉiuj kiuj klopodas plibonigi aliron al tiu belega lingvo. Kiel unu el la multaj beneficuloj de viaj faroj, mi antaŭĝojas redoni al Esperantujo la komplezon en la venontaj jaroj.

Restu mojose, vi belegaj arbaraj nimfetoj.

Aprezo por esperantistoj

Klozmajstro?

Krom Lernu, Duolingo, kaj Memrise, mi komencis uzi Clozemaster por studi. Estas tre kontentiga sistemo por lerni plenajn frazojn kaj por plibonigi vian flekseblecon pri vortordo. La retejo kaj apo estas senpagaj kaj uzas tradukojn de Tatoeba. Mi ne plu volas paroli kiel komencanto, estas malĝoje. Ankaŭ mi ŝatus komenci fari filmetojn por Jutubo. En la angla mondo mi ĝuas mian anoniman vivon. Sed mi ĝin trovas veran, ke kune kun novaj lingvoj venas novaj karakteroj.

Flanke, artikolo pri la angla vorto cloze jam ne ekzistas en la eo-vikipedio, kaj ankaŭ jam ne ekzistas la esperanta vorto “klozo”, laŭ mia eta scio.  Kvankam mi pensas, ke la vera signifo efektive estus “fermaĵo” esperante. Kompreneble mi tute ne scias, kaj nur volas noti ĝin ĉi tie por memorigi min kontroli poste ke mi kontrolu poste. Nun denove tempas serĉi la respondon en Esperantujo.

Klozmajstro?